Team Rama manumpa sa PDP-Laban
CEBU, Philippines - Mga kaalyadong 65 ka barangay kapitan ug walo ka konsehal sa Team Rama Panaghiusa dinhi sa Siyudad sa Sugbo ang gikatakdang manumpa sa Partido Demokratiko Pilipino Lakas ng Bayan (PDP-Laban) karung Sabado diha sa Cebu Country Club.
Gibutyag ni Konsehal Raymond Garcia nga hugot na ilang desisyon sa maong lakang aron mapadali ang pagpatuman sa mga proyekto ni Presidente Rodrigo Duterte dinhi sa siyudad.
“Well the president does not have any incumbent councilor, not even nga barangay official nga iyahang kaalyado. For me, I believe nga in order for us be able to implement most if not all of his projects for the good of Cebu dapat naay local arm that can help him up, so that’s basically my number one reason,” dugang pa niya.
Mibutyag siya nga ang maong lakang namugna human mikonsulta ang PDP-Laban kanila nga manumpa diha kanila.
Sigon pa ni Konsehal Joey Daluz III aduna pa silay himuon nga panagtigom sa Rama Compound.
Apan si Konsehal Pastor "Jun" Alcover mipadayag nang daan nga dili siya mokuyog sa mga kaalyado manumpa tungod kay dili siya uyon sa mga gipanghimo ni Duterte.
“Ako I am with Team Rama, I always support Team Rama. I always support whatever political move nga ilang pagahimoon pero I would like to be consistent on my advocacy consistent on due process of law, mao ra na,” matud pa niya.
Ang Team Rama manumpa ngadto kang House Speaker Pantaleon Alvarez. (BANAT NEWS)
- Latest
