Seniors sa Mandaue nakadawat og tag P2 mil

CEBU, Philippines - Nahatag na sa kagamhanan sa dakbayan sa Mandaue ang ikaduhang hugna sa hinabang pinansiyal alang sa ilang mga senior citizens nga nagkantidad og P2 mil matag usa.

Dul-an 11 mil ka mga senior citizens gikan sa kabarangayan sa Cambaro, Centro, Mantuyong, Guizo, Ibabao-Estancia, Basak, Canduman, Jagobiao, Maguikay, Cabancalan, Alang-Alang, Umapad, Opao, Looc, Labogon ug Paknaan.

Makadawat usab karong Biyernes, Agosto 26 ang mga taga Barangay Tabok, Pagsabungan, Tingub, Cubacub, Casili ug Tawason. Giawhag sa Office of Senior Citizens Affairs (OSCA) ang mga dili makahigayon pagkuha sa ilang financial assistance  sa pag-adto sa ilang buhatan sunod semana samtang kadtong mga wa maapil sa listahan mahimo silang mosusi  sa buhatan ni Konsehal Nene Layese.

Natigayon ang financial distribution human aprobahi sa konseho nga P6 mil nga madawat sa mga senior citizens matag tuig. Nasayran nga nahimo ang unang hugna niadtong buwan sa Mayo ug gikatakda ang ikatulong hugna karong Disyembre aron mahingpit na ang P6 mil nga maoy kinatibuk-ang kantidad nga madawat sa mga Senior Citizens sa dakbayan. (BANAT NEWS)