CCMC gamiton bisan di pa mahuman
CEBU, Philippines - Ipagamit na ni Mayor Tomas Osmeña ang Cebu City Medical Center kung mahuman na ang ikalimang andana.
Kini ang gibutyag ni Engr. Josefa Ylanan, pangulo sa Office of the Building Officials sa dakbayan sa Sugbo, nga kutob lang sa lima ka andana ang humanon aron magamit.
Hinoon gikinahanglan nga dunay usbon sa kontrata apan wala na modetalye pa si Ylanan kun unsay mga kausaban.
Ipadayon gihapon ang pagtrabaho sa nahibiling lima pa ka andana apan kinahanglan nga ang kontraktor magbantay aron malikayan nga dunay disgrasya nga mahitabo.
Gipasabot ni Ylanan nga malangay ug malugwayan ang paghuman sa CCMC gumikan sa mga kausaban nga ilang ipatuman.
Sa dili pa hingpit ipatuman ang kausaban, dunay sabot-sabot nga himoon ang siyudad sa pagpatuman sa proyekto.
“Gisigehan pa og estorya nato kay it’s not easy man kay the bidding is good for the tenth floor but ingon ni Mayor (Osmeña) ug sa atong mga engineers ba even the consultant nga it won’t look good, you spend hundreds of millions the building is still unused or cannot be used,” matud ni Ylanan. (BANAT NEWS)
- Latest
