Talisay City fish port gamiton na

CEBU, Philippines - Gusto na ni Talisay City Mayor Eduardo Gullas nga gamiton ug mapahimuslan na ang fish port nga dugay na nga wala magamit.

Matud pa ni Gullas nga karon nga iya na ang administrasyon hayan makwartahan na ang fish port ug makapahimulos pa ang mga mananagat.

Apan ang fish port ang gikaingon nga gipaabangan sa niaging administrasyon sa Asian Marine Transport Corp. nga gipanag-iya ni Paul Rodriguez sulod sa 25 ka tuig nga mokantidad og P800 mil matag buwan.

Asoy pa ni Gullas nga iya nang gitahasan ang legal department sa pagsusi sa kontrata sa siyudad ug sa kang Rodriguez. Siya nagkanayon nga kaila sila ni Rodriguez apan dili sila suod.

Iyang tinguha lang mao nga dili siya makalapas sa gikasabutan sa niaging administrasyon ug ni Rodriguez.

Nahimung kontrobersyal ang fish port sa dihang nitingog ang Cebu Port Authority (CPA) nga sila maoy nanag-iya sa maong pasilidad.

Apan si Gullas nibarog nga ang dakbayan gyud ang nanag-iya sa fish port nga nahimutang diha sa Barangay Tanke.

Siya nagkanayon nga daghan siya nga gipangayoan nga politiko gikan sa kaulohan para lang mahuman ang fish port ug gamay lang kaayo ang iyang nakuha gikan sa CPA.  (BANAT NEWS)