Pagbaligya ni Osmeña sa SRP wa pay authority
CEBU, Philippines - Kinahanglan pa mangayo si Cebu City Mayor Tomas Osmeña og “authority to sell” gikan sa konseho sa iyang plano nga pagbaligya sa 1.5 ektaryang Pond F sa South Road Properties.
Kini sumala pa ni Konsehal Jose Daluz III kinsa chairman sa technical working group ug maoy nagmugna sa terms of reference sa pagbaligya sa ubang luna sa SRP ngadto sa SM ug Ayala sa niaging administrasyon ni kanhi mayor Michael Rama.
“Yes, the terms of reference because wala man sila'y authority to sell as of now, they don’t have. The first thing they do, ask the council for the authority to sell," matud ni Daluz.
Ang terms of reference ang maghatag og detalye sa pagbaligya sa luna.
Si City Legal Attorney Joseph Bernaldez niingon nga nagsugod na sila pagbuhat sa terms of reference aron mahatag dayun kang Osmeña.
Niingon usab si Bernaldez nga ang planong pagbaligya sa Pond F sa SRP nanginahanglan og pagtugot sa konseho.
Dugang ni Bernaldez nga moagi pa usab og public bidding ang pagbaligya sa maong luna. (BANAT NEWS)
- Latest
