OFWs padulong sa Saudi gipugngan
CEBU, Philippines - Gisuspenso sa Department of Labor and Employment ang pagproseso sa Overseas Employment Certificate application sa upat ka kompaniya alang sa Kingdom of Saudi Arabia.
Si Philippine Overseas Employment Administration (POEA) Regional Center for Visayas chief Evelia Durato niila sa mga kompaniya nga mao ang Mohammad Al Moijil Group, Mohammad Al Bargash Contracting, Saudi Bin ladin Group ug Saudi Oger Limited.
Kini nunot sa taho nga gatusan ka Overseas Filipino Workers gikan sa maong kompaniya ang wala pa makadawat sa ilang suhulan ug natanggong sa KSA.
Sumala pa ni Durato nga ang maong kompaniya nalakip sa ilang watchlist hinungdan nga kasamtangan una nilang gihunong ang pagproseso sa OEC applications para sa mga OFWs nga laraw nga mobalik sa maong kompaniya,
Si Durato nitug-an nga nakadawat usab sila og advisory gikan sa Department of Foreign Affairs (DFA) sa paghunong sa pagpadala ug pag-process sa OEC sa mga OFWs nga motrabaho sa Republic of South Sudan tungod sa nagpadayon gihapon nga kasikas sa maong nasud ug giisa sa DFA ang crisis alert level sa South Sudan ngadto sa alert level 4 diin adunay mandatory repatriation o kaha total ban sa mga OFW. (BANAT NEWS)
- Latest