Nag-amotay aron pabalikon

CEBU, Philippines - Nagtampo-tampo ang mga inmate sa Cebu Provincial Detention and Rehabilitation Center (CPDRC) aron makab-ot ang P30 mil aron ipahalipay sa makatudlo sa lokasyon sa ilang kauban nga mitakas. Ang maong salapi gikan sa ilang coop.

Ang miikyas mao si Arnel Mait kinsa misagol sa uban pang dalaw nga namauli.

Matud ni Marco Toral, Consultant on Jail Management nga nadesisyonan sa mga inmates nga mohatag sa maong kantidad kay gusto nilang mobalik si Mait ug aron makasulod na usab ang ilang mga dalaw human kini gisuspenso gumikan sa hitabo.

Si Lito Granada ang Mayor de Mayores sa CPDRC miingon nga kun adunay makatumbok sa lokasyon ni Mait, makadawat kini sa P30 mil apan kun motahan kini, mohatag sila og gahin  ngadto sa pamilya ni Mait.

Matud ni Granada nga dili nila silotan si Mait kun mobalik kay nasayod siya nga kini maoy kasagarang gikahadlukan sa mga piniriso nga mipuga.

Gumikan sa hitabo adunay bag-ong patakaran ang CPDRC sa mga dalaw. Inig human sa visiting hours, ang tanang dalaw itapok sa quadrangle ug iphon una pagawson.

Si Mait mi-eskapo kay nagtoo nga adunay laing kapuyo ang iyang asawa apan matud ni Toral kinsa mibisita sa panimay niini sa lungsod sa Argao, wala kini didto. Gidala usab nila sa CPDRC ang asawa alang sa questioning ug aron usab sila mahibawo sa kalihukan niini kun ugaling mo-contact sa iyang asawa. (BANAT NEWS)