Atake sa peste ipa-report sa PB
CEBU, Philippines - Gipangayoan sa Provincial Board og report ang Provincial Agriculture Office kabahin sa pag-atake sa mga peste ngadto sa umahan sa amihanang bahin sa Probinsiya sa Sugbo.
Sayo niining buwana ang hepe sa PAO, Dr. Roldan Saragena, nibutyag nga ang Lungsod sa Bantayan, Pilar, San Francisco, Santa Fe ug San Remigio naproblema tungod kay ang ubang umahan gidugok sa “locust” ug mga dulon. Sa unang semana niining buwana, ang Lungsod sa Bantayan ug Pilar nideklarar og state of calamity.
Si Bokal Thadeo Jovito Ouano maoy nangamahan sa resolusyon nga nag-awhag kang Saragena sa paghatag og update kabahin sa insidente.
Sa sayo pa si Saragena nibutyag nga nagpadala siya og team ngadto sa lugar nga naapektuhan aron mag-supervise sa infestation ug magsusi sa danyos.
Si Ouano nagkanayon nga ang Regional Crop Protection Center (RCPC) sa Department of Agriculture-7 nikompirmar usab sa report kabahin sa locust infestations sa lima ka lugar ug adunay team nga gipadala ngadto sa Isla sa Camotes sa nilabay’ng semana.
Gawas sa dulon nabantayan usab ang mga armyworms sa mga umahan sa lugar. (BANAT NEWS)
- Latest