Nakaparehistro sa Talisay 3,000 na
CEBU, Philippines - Niabot na sa 3,000 ka tawo ang nagparehistro sa Commission on Election sa Dakbayan sa Talisay gikan sa pagsugod sa pagpangrehistro sa mga bag-ong botante.
Si Atty. Gallardo Escobar, city election officer, nagkanayon nga nag-average sila og 500 ka tawo nga ilang marehistro matag adlaw.
Iyang gihulagway ang ubang adlaw nga mingaw tungod kay nag-eskwela ang mga batan-on.
Hayan sa katapusang adlaw sa rehistrasyon na sab magkabuang ang Comelec sa pag-atiman sa gidaghanon sa mga magparehistro.
Giawhag ni Escobar ang uban nga mobisita na sa ilang buhatan samtang mingaw pa. (BANAT NEWS)
- Latest