Nag-rally batok Tomas
CEBU, Philippines - Gatusan ka mga manindahay nga sakop sa Cebu City United Vendors' Association (CCUVA) ang nag-rally kagahapon sa hapon sa Cebu City Hall aron ipadayag ang ilang pagsupak batok sa desisyon ni Mayor Tomas Osmeña nga sirhan ang ilang buhatan nga anaa mahimutang sa Carbon Public Market. Lakip nilang gipadayag ang giingong pagpang-harass sa Market Administrator nga si Winefredo Miro ngadto sa ilang mga kauban.
Gi-uban ang mga vendors ni Ermita Barangay Captain Felicisimo “Imok” Rupinta kinsa maoy Honorary Chairman sa CCUVA. Mibutyag kini nga pamolitika ang hinungdan sa tanan mao nga giinitan sa city hall ang ilang kapunungan.
“Pait kaayos tanan gikontrahan man ang Brgy. Ermita og maayo, sa akong sabot basig nasuko siya kay sa among barangay pwerti mang pildiha nila,” matud ni Rupinta.
Kahinumduman nga mipadayag ang mayor nga ang tanang sakop sa CCUVA dili niya tugutan nga mobisita sa iyang buhatan lakip na ang ilang honorary chairman nga si Rupinta. (BANAT NEWS)
- Latest