Giya sa rehabilitation
CEBU, Philippines - Ang mga lokal nga kagamhanan nagkinahanglan og giya sa ilang buhaton sa kausaban karon sa gobiyerno ug nagkinahanglan og budget alang sa rehabilitasyon sa mga mitahan nga nalambigit sa ginadiling drugas.
Si Bise Gobernador Agnes Magpale nagkanayon nga pabor siya sa kausaban ilabi na ang kampaniya batok drugas apan ang mga lokal nga kagamhanan nagkinahanglan og giya sa ilang angayang buhaton.
Giangkon usab ni Magpale nga naghuwat sila og budget gikan sa national nga kagamhanan alang sa rehabilitasyon sa mga mitahan.
Niining nagkadag-han ang mga mi-surrender, ang mga rehabilitation center nga gidumala sa gobiyerno bisan ang mga pribado kuwangan na. Gibutyag ni Magpale nga mitambong siya sa sesyon didto sa kaulohan ug dunay mga kausaban nga nahitabo apan ang problema kun unsaon nga mahimong epektibo ang kausaban.
Gibutyag ni Magpale nga daghang mga mayor ang gipatawag ug nanghinaot siya nga magiyahan sila kay uyon man sila sa “massive” nga kausaban.
Dugang niini nga ang probinsiya naghinay-hinay na sa programa alang sa mga mi-surrender nga drug personalities apan kuwangan ang ilang budget niini. (BANAT NEWS)
- Latest