Blessing nagubot, 5-anyos napagan

CEBU, Philippines - blessing sa balay sa Sitio Manguilamon, Jaclupan, Dakbayan sa Talisay niadtong Domingo sa hapon.

Samdan sa iyang tuo nga bukton si Ren Dave Ferolino nga nagpuyo sa nahisgutang lugar.

Usa sa gikakontra sa namusil mao si Jesrel Labiaga, 21, ulitawo nga taga Sitio Santo Niño, Duljo Fatima, Siyudad sa Sugbo kinsa nakaangkon sab og pinusilan sa iyang tuo nga tiil. Ang suspek nailhan nga si Eugenio Abella, hingkod.

Si PO3 Ferdinand Pablo, imbestigador sa Talisay City Police Station, nagkanayon nga blessing sa balay ni Angelito Jaberina niadtong higayuna ug gipang-imbitar ang biktima ug ang suspek.

Gani nag-inom pa sila og ilimnong makahubog. Asoy ni Pablo nga sa dihang nangahubog na hayan nag-iyahay lang sa pagpagawas sa ilang mga hambog ang mga nanag-inom.

Ang suspek nakigsinukmagay ni Ronilo Alvarez ug sa ginganlan og Danny. Nalupig ang suspek ug ang naulahi nakakita nga adunay gibitbit nga kutsilyo ang iyang gikasukmagay lakip na si Labiaga hinungdan nga nibunot sab siya sa iyang armas ug gipamusil ang iyang mga kontra.

Naigo si Labiaga apan naapil sab sa pagkaigo ang bata nga si Ferolino.

Nisibat ang suspek samtang gidali og dala sa Talisay City District Hospital ang mga nasamdan.

Gipangita pa sa kapolisan ang suspek.  (BANAT NEWS)