P3M marijuana naibot

CEBU, Philippines - Laing liboan ka mga dagkong punoan sa mga marijuana ang gipangibot na sa kapulisan ug kasundalohan atol sa gihimo nga operasyon diha sa Brgy. Bayong, Balamban niadtong nakalabay nga buntag.

Ang mga sakop sa Balamban Police nga gipangulohan ni Chief Insp. Florendo Fajardo ug mga sakop sa 47IB sa Philippine Army nga gipangulohan ni 1st LT. Raymond Jamisal mironda ug milarot sa maong mga tanom.

Sayo sa kaadlawon migikan ang mga operatiba diin kuyog sab nila ang kapitan mismo sa maong barangay nga si Augustino Son ug ilang naibot ang 15, 400 ka mga dagkong punoan nga mikantidad og P3,080,000.

Human niini ilaha kining gidauban  ug nagdala na lang sila og mga ebidensya pabalik sa ilang buhatan. (BANAT NEWS)