Nanagat gamit ang dinamita napungkol
CEBU, Philippines - Naputol ang kamot sa usa ka mananagat human siya nabuthan sa dinamitang iyang gigamit sa pagpangisda sa kadagatan sa Zone 3, Brgy. Biasong, Dakbayan sa Talisay niadtong milabay’ng adlaw.
Wala nay napunit nga parte sa tuo niya nga kamot si Antonio Ransoy, 53, taga Brgy. Dumlog sa dihang gidala siya sa Talisay City District Hospital.
Si SPO2 Yvonne Ilustrisimo sa Talisay City Police Station nagkanayon nga nanagat si Ransoy niadtong tungora apan nigamit kini og ilegal nga pamaagi sa panagat gamit ang dinamita.
Sumala pa nga kalit nibuto ang dinamita sa dihang iya kining giduslitan aron unta paulbohon ang dagat diin adunay naniba nga mga isda. Si Ransoy gibalhin sa Don Vicente Sotto Memorial Medical Center gumikan sa kagrabe sa iyang kahimtang.
Si Ilustrisimo miingon nga ilaha karong gitun-an ang pagpasaka og kaso batok ni Ransoy. (BANAT NEWS)
- Latest