DEPED andam na
CEBU, Philippines - Padayon ang screening sa Department of Education sa mga magtutudlo alang sa pagbukas sa senior high school karong tuiga.
Base sa memorandum ni DepEd-7 Director Julieta Jeruta nga nagkinahanglan og 36,150 ka magtutudlo sa senior high school gikan sa Teacher I-III ngadto na sa Master Teacher I-II karong tuiga sa rehiyon.
Matud ni Tomas Pastor, DepEd Education Program Supervisor, nga taas gyud ang requirements sa kwalipikasyon diin daghan ang nag-apply apan gamay ra ang nakaabot sa rekisitos.
Ang mo-qualify hatagan og permanent position ug ang dili mo-qualify apan adunay skill hatagan og temporary position o part-time. Andam na ang DepEd-7 sa K to 12 Program bisan ang ubang classrooms sa Oktubre pa mahuman.
Matud ni Joelyza Arcilla sa Education Program sa Cebu City Division nga mopahigayon sila og Brigada Eskwela sugod Mayo 30 hangtud Hunyo 4.
Sama usab nga pagpangandam sa probinsiya, matud ni Nenita Jaralue, ang education program specialist curriculum instruction sa DepEd Cebu Province Division.
Si Tomas Pastor, ang senior high school coordinator sa DepEd-7, nipadayag nga 95 porsiyento na silang preparado sa pagbukas sa klase.
Sa DepEd Talisay City Division, si Dr. Leah Noveras magpatawag og conference ugmang adlawa aron mahisgutan ang tanang problema sa pagsugod sa klase aron dili na masinati ang problema karong tuiga.
Suportado sa konseho sa dakbayan ang Brigada Eskwela pinaagi sa resolusyon nga gipangamahanan ni Konsehal Richard Francis Aznar. (BANAT NEWS)
- Latest
