Wa gihapoy sesyon sa konseho
CEBU, Philippines - Wa gihapon mahinayon ang session sa konseho sa Dakbayan sa Sugbo kagahapon tungod kay hangtud karon wala pay tubag gikan sa Department of Interior and Local Government (DILG) bahin sa kwestyon sa quorum sa konseho human nangasuspenso ang 12 nila ka sakop.
Si Konsehal Lea Japson kinsa mao karoy acting vice mayor ug presiding officer sa konseho nagkanayon nga usik sa panahon ug oras kung ila kining ipadayon kay mahug lamang gihapon kini nga way legality.
Kagahapon ang gitakda nga session sa mga konsehal sa Sugbo apan wa kini madayon tungod kay wa pa nila madawat ang tubag sa suwat nga gipadala ni Japson niadtong Mayo 17 ngadto kang Rene Bordeos, direktor sa DILG-7.
Sila nangutana ug nangayo og katin-awan kun legal ba o matawag gihapon silang adunay quorum bisan og upat na lamang sila ka konsehal nga nahabilin human ma-suspendido ang laing 12.
Matud pa ni Japson nga aduna nay susamang kaso kaniadto nga diin ang nahibiling pipila ka buok na lang nga konsehal maoy nibarog isip tingog sa konseho, apan ilaha una kining pangayoan og katin-awan sa Manila.
Dugang usab niya nga dili mahimo nga mag- session kung way pagtugot gikan sa DILG, usa sa gipaabot nga tukion mao ang budget sa siyudad karong tuiga.
Lakip sa agenda nga ilang hisgutan mao ang souces of funds sa Dakbayan sa Sugbo diin ila paningkamutan nga ma-submit ang gipangayo sa Committee on Budget and Finance. (BANAT NEWS)
- Latest