Davide nibakasyon sa Japan

CEBU, Philippines - Magsilbing acting governor sa Lalawigan sa Sugbo si Bise Gobernador Agnes Magpale sulod sa sobra usa ka semana.

Kini human nag-vacation leave si Gobernador Hilario Davide III gikan sa Mayo 21 hangtud 28.

Si Davide nagbakasyon sa Osaka Japan.

Sa sulat ni Davide ngadto sa buhatan sa bise gobernador niadtong Mayo 20, iyang gi-designate si Magpale isip acting governor.

Tungod niini, si Magpale ang temporaryong molihok sa trabaho sa gobernador sama sa pag-mobilize sa Provincial  Social Welfare  and Development  Office sa pagtubag sa mga gikinahanglan sa mga lungsod ilabi na karon nga nag-uwan.

Ang dili lang mahimo ni Magpale mao ang  pagtudlo, pagsuspenso ug pagtangtang sa empleyado samtang wala ang gobernador. (BANAT NEWS)