Gen sets sa kaislahan nangabot na
CEBU, Philippines - Nangabot na ang 22 ka generator sets nga gamiton sa mga lugar sa Rehiyon 7 nga walay elektrisidad sama sa mga isla nga barangay.
Sa Bohol adunay 14 ka isla nga barangay samtang walo sa Sugbo nga mao ang Carnaza ug Logon sa Daanbantayan; Botigues, Hilotongan ug Doong sa Bantayan; Caohagan ug Pangan-an sa Dakbayan sa Lapu-Lapu.
Matud ni Atty. Jose Nick Mendros, regional director sa Commission on Elections-7, nga sila ang mogasto sa gasolina sa mga generator sets.
Gitug-an ni Mendros nga ang rehiyon ang unang nahatagan og generator sets tungod kay siya ang unang rehiyonal nga director nga nihangyo niini.
Si Mendros nipadayag nga preparado na sila sa kalihukan sa eleksyon karong Lunes diin tanang kinahanglanon nahatud na sa mga tunghaan. (BANAT NEWS)
- Latest
