Nabalaka si Mayor Rama nga mapasanginlang namolitika

CEBU, Philippines - Wala aprobahi ni Cebu City Mayor Michael Rama ang hangyo sa mga Senior Citizen ug sa mga Persons with Disabilities (PWD's) nga hatagan na usab sila og dugang cash assistance.

Si Mayor Rama mipasabot nga mahimo kini nga gamitong isyu sa poltitika sa iyang mga kaatbang ug pasanginlan siya nga manuborno sa mga senior citizens ug PWD gamit ang kuwarta sa gobiyerno.

Ang dakbayan sa Sugbo bag-ohay lang nga niapud-apod og tag P2 mil nga cash assistance sa matag senior citizens kaniadtong miaging buwan, apan gikatakda na usab unta nga mohatag og laing P1,000 karong Mayo 11, duha ka adlaw liwas sa piniliay.

Ang hepe sa Office of Senior Citizens Affairs (OSCA) nga si Domingo Chavez mipahibalo na sa mga reporters kaniadtong Miyerkules nga ang dakbayan manghatag na usab og cash assistance sa mga kapin sa 67,000 ka seniors dinhi sa dakbayan.

Ang mga PWD pahatagan usab unta og tag P500 kada usa. (BANAT NEWS)