Final testing ug sealing sa mga VCM himoon na

CEBU, Philippines - Gipaabot nga karong adlawa ipahigayon na ang final testing ug sealing sa mga Vote Counting Machines diha sa kalungsuran ug mga dakbayan sa probinsya human nga gisugdan na pag-deliver ang mga VCM kaganinang sayo sa buntag. Gihimo kini aron maandam nang daan ang mga kahimanan nga gamiton sa eleksyon karong Lunes.

Kadtong dili mahuman sa paghatod karong adlawa, ipadayon ugma ang pag-deliver sa mga VCM sa ubang mga Local Government Units (LGU) aron kahimoan usab og final testing ug sealing.

Giunsa sa paghatod ang mga VCM sa mga lungsod sa kaislahan sa probinsya sama sa Sta. Fe, Madridejos ug Bantayan ug sa upat ka lungsod sa Camotes nga mao ang Poro, Tudela, Pilar ug San Francisco, apil ang Danao ug Carmen. Si Comelec Regional Director Jose Nick Mendros mibutyag nga ang pagpanghatod sa mga VCM gisugdan sayo kagahapon sa buntag.

Ang 2GO Shipping maoy nag-deliver sa kapin kuwatro mil ka VCM alang sa tibuok lalawigan sa Sugbo.

Mga polis gipabantay sa mga VCM samtang gipanghatod kini sa lainlaing lungsod ug dakbayan.

Samtang ang mga balota nga nangabot na dinhi sa Sugbo ipanghatod sa mga presento karon pang Lunes sa kaadlawon. (BANAT NEWS)