NBI paimbestigaron sa pagpamusil sa Inayawan
CEBU, Philippines - Giawhag ni Cebu City Vice Mayor Edgar Labella ang National Bureau of Investigation nga mopahigayon og buwag nga imbestigasyon sa pagpamusil sa Barangay Inayawan.
Abril 29 nahitabo sa Inayawan Barangay Hall ug Mayo 1 sa botika sa igsuon ni Kapitan Lutherlee “Lot-lot” Ignacio kinsa kandidato sa pagka-konsehal.
Matud sa bana ni Ignacio nga si John Soon nga sakyanan nga Hyundai Tucson nga nagtangag sa plakang YHN 613 nga gipanag-iya sa usa ka SPO1 Brazilio Boriniga ang nag-parking sa may hardware duol sa panimalay sa igsuon ni Lot-lot.
Usa ka motorsiklo ang giingong niduol sa sakyanan una niadto sa panimalay sa biktima ug nibalik kini human sa pagpauwan og bala sa panimalay sa biktima.
Matud ni Soon nga naalarma gyud sila sa maong panghitabo sanglit ang pamilya sa ilang igsuon naa didto nagpuyo.
Gitataw usab ni Soon nga walay kaaway ang ilang pamilya ug daku ang ilang pagduda nga adunay kalabutan sa politika.
Hangyo ni Lot-lot sa kapolisan ang pag-imbestigar og patas sa maong panghitabo. (BANAT NEWS)
- Latest
