Patalinjug di makig-away sa ig-gaw
CEBU, Philippines - Dili makig-away ang kandidato sa pagka-mayor sa Dakbayan sa Lapu-Lapu nga si Engr. Rolando “Lando” Patalinjug sa iyang ig-agaw nga si Konsehal Eduardo “Boy” Patalinjug kinsa naa sa Deretso Team ni Mayor Paz Radaza.
Kini bisan og sa mga niaging rally sa Deretso Team si Boy nanawagan sa dili pagpabotar sa iyang ig-agaw nga si Lando nga sakop sa Team Kusgano.
Nipasabot si Lando nga ang politika lumalabay lang ug suod sila ni Boy ug magpabilin ang pagka-civil niini ngadto kaniya.
Matud ni Lando igo lang gigamit sa Deretso Team si Boy ug naluoy siya niini kay gihimo lang nga “kingkoy” sa grupo ni Radaza. “Di niya gusto isulti, mosulti na lang siya’g bati against nako para lang gyud tawn nga siya magpabilin sa iyang grupo. Kana gud silang Paz, ang ilang councilor himuon man gud nilang kingkoy tawn. Maski di mosulti, pasultihon, himoan og script,” matud ni Lando.
Alang kang Lando walay nahimo si Radaza ug ang mga tawo sa siyudad ganahan og kabag-ohan ug bag-ong administrasyon.
“Kung naa pay nahimo nga efforts ang mga Radaza, kami (Team Kusgano), ako di gyud ko mag-apil-apil sa politika,” dugang ni Lando. (BANAT NEWS)
- Latest