Nangawat og pang-paguwapo nadakpan
CEBU, Philippines - Pakyas sa pagpa-gwapo ang usa ka lalaki human siya nasakpang nangawat og mga butang nga pangpagwapo diha sa usa ka mall sa Brgy. Tabunok, Dakbayan sa Talisay niadtong Biyernes sa hapon.
Ang nasikop mao si Jestler Sotomayor, 28, taga Lutopan, Syudad sa Toledo.
Matud pa ni PO2 Edwin Campomanes sa Talisay City Police Station nga gisikop ang suspek sa guwardiya sa nahisgutang mall nga si Felizardo Minguito human nakit-an nga gipangsud sa iyang hawakan ang usa ka botelya sa whitening lotion nga panglalaki, usa ka botelyang pahumot; usa ka gel sa buhok ug usa ka cologne nga panglalaki nga mokantidad sa P500 kapin ug kulang.
Si Sotomayor kalma nga nipatighog sa gawas nga bahin sa mall apan wa siyay swerte tungod kay gibantayan na siyang daan sa guwardiya. (BANAT NEWS)
- Latest
