Sawa natagak sa atop sa apartment
CEBU, Philippines - Nadakpan ang usa ka sawa sa mga tinugyanan sa Cebu Wildlife Resources Conservation and Protection Office pasado alas 2 sa kadlawon kagahapon sa San Roque, Mambaling.
Si Giovanni Stephen Romarate, zoo manager sa Cebu Zoo nga CWRCPO na karon, nagkanayon nga gitawagan sila sa disaster department sa dakbayan aron sila mismo ang modakop sa sawa.
Matud ni Romarate nga ang nakabantay sa sawa mao ang usa ka nagpuyo sa apartment diin nahulog ang sawa gikan sa ilang atop.
Gikuykoy nila ang gitouhang gitaguan sa sawa ug didto nakita nga nagbalikos kini sa kaugalingong lawas dapit sa sako sa semento ug nadakpan kini sulod sa singko minutos.
Nagkanayon si Romarate nga ang maong sawa usa ka Asian reticulated phyton nga may gitas-on nga 10-feet ug may gibug-aton nga dili molapas sa unom ka kilo. Wala hinuoy nahimong kadaut ang maong sawa ug gidala kini ngadto sa zoo. (BANAT NEWS)
- Latest
