Parada sa Labor Day, trapik

CEBU, Philippines - Gipanglantawan sa Cebu City Transportation Office ang paghuot sa dagan sa trapiko karong adlawa tungod sa parade sa pagsaulog sa adlaw sa mga mamumuo.

Gawas sa SugBonanza 2016 The City Services sa Plaza Independencia, sayo sa buntag himuon ang Labor Day Run gikan sa Block 27-Cabahug St., liko sa wala sa Andres Soriano Avenue, liko sa wala sa Maxilom Avenue, liko sa wala sa JC De Veyra St., dayon liko sa tuo sa Juan Luna Avenue, liko sa tuo sa S. Osmeña Avenue lahos na sa Plaza Independencia. 

Magpahigayon usab og parade ang Convergys para sa pagbukas sa ilang sportsfest sa alas 9 sa buntag. 

Ang rota magagikan sa i3 Building Jose Maria del Mar St., moliko sa wala sa Salinas Drive, liko sa wala sa Gov. Cuenco Avenue ug motapos sa Samantabhadra Institute.

Laing parada alas 4 karong hapon gikan sa Fuente Osmeña, liko sa wala sa D. Jakosalem St., liko sa tuo sa P. Gomez St., liko sa tuo sa MJ Cuenco Avenue, liko sa wala sa Legaspi Extension ug motapos sa Plaza Independencia.

Si Jonathan Tumulak, operations head sa CCTO, niawhag sa mga motorista sa paglikay sa maong mga rota ug pagpangita og mga alternatibong agianan aron dili matanggong sa kahuot sa trapiko. (BANAT NEWS)