14 pamilya nasunugan sa Tagunol
CEBU, Philippines - Naugdaw ang unom ka panimalay, usa ang partial ug 14 ka pamilya ang apektado sa sunog nga niigo sa Highway Tagunol, Wetland, Basak San Nicolas, Siyudad sa Sugbo kagahapon sa kadlawon.
Giingong nagsugod ang sunog sa ikaduhang andana sa panimalay ni Elena Alicante nga ginama sa light materials.
Matud ni Senior Fire Officer 4 Roylin Maratas, chief fire investigator sa Cebu City Fire Station nga katol nga gidagkutan ang gitumbok nga hinungdan sa sunog. Posibleng nasabdan ang katol dayun kuyanap sa kayo sa mga pinilo nga senina.
Nagbilin og P30 mil nga danyos ang sunog.
Ang Department of Social Welfare and Services mohatag og P10 mil nga ayuda sa matag pamilya nga apektado kinsa kasamtangang namuyo sa kapilya duol sa nahitaboan sa sunog. (BANAT NEWS)
- Latest