Wa nay political party system — Sotto, Honasan
CEBU, Philippines - Nagtuo sila si Senador Vicente “Tito” Sotto III ug Senador Gregorio “Gringo” Honasan II nga wala na ang political party system sa nasud.
Kini ilang gipakita sa ilang pag-uban sa Sugbo kagahapon bisan managlahi ang kandidato sa pagka-presidente nga ilang gisuportahan.
Matud ni Sotto nga suportado niya ang panagpares nilang Senador Grace Poe sa pagka-presidente ug Senador Francis “Chiz” Escudero sa pagka-bise presidente apan si Honasan nga runningmate ni Bise Presidente Jejomar Binay ang iyang botaran.
“It only means that in our relationship there is no politics, it’s friendship,” matud ni Sotto.
Matud usab ni Honasan nga dunay mga higayon nga sa lugar nga adtuon nilang Binay, dili siya ang gi-endosar sa lokal nga grupo.
Giklaro niya nga sa 18 ka tuig na nilang nag-uban ni Sotto sa Senado, managsama usab ang ilang mga plataporma.
Ang duha miduaw kagahapon sa buhatan sa The Freeman/Banat News diin ilang gihisgutan ang pag-amendar sa RA9165 kon Dangerous Drugs Act of 2002. (BANAT NEWS)
- Latest
