6 kandidato sa Mandaue nagpatabon sa ilang armas
CEBU, Philippines - Pipila ka mga local nga kandidato sa umaabot nga piniliay sa Dakbayan sa Mandaue ang boluntaryo nang nagpabutang og masking tapes sa mga sumbohan sa ilang mga lisensyadong mga armas.
Kini maoy gibutyag Si Police Superintendent Julian Entoma, deputy director sa Mandaue City Police Office (MCPO).
Matud pa ni Entoma, unom ka local nga kandidato na ang miduol sa ilang buhatan ug mipresentar sa ilang mga lisensyadong mga armas aron kini pabutangan og masking tapes.
Sumala pa niya ang tulo niini sakop sa One Cebu Party. Ang Mandaue City adunay 24 ka mga kandidato nga midagan gikan sa pagkamayor hangtud sa pagka-konsehal.
Gihimo ang pagtabon sa sumbohan sa ilang mga armas niadtong Biyernes sa miaging semana. “We encourage candidates to cooperate,” ni Entoma pa. Sa sayo pa si Senior Supt. Rey Lyndon Lawas, sa PRO-7 miawhag sa mga kandidato sa ngalan sa malinawon ug hapsay nga piniliay karong Mayo, kinahanglang pangunahan sa mga kandidato ang paghimo niini.
Kini pinaagi sa pagtahan sa ilang mga lisensyadong armas aron papitlan og masking tapes aron sa ingon dili kini gamiton sa pagtisok og kagubot sa umaabot nga piniliay. (BANAT NEWS)
- Latest
