Dalaga gidunggab kay armas wa kabuto

CEBU, Philippines - Nakaangkon og samad sa bukton ang 29-anyos nga babaye human gidunggab sa tulisan gumikan sa pagmagahi paghatag sa iya’ng bag sa Atillo Subdivision Road, Punta Princesa, Dakbayan sa Sugbo pasado alas 9 sa nakalabay nga gabii.

Ang biktima giila nga si Carly May Mamac, dalaga ug nagpuyo sa mao’ng dapit.

Base sa imbestigasyon sa Punta Princesa Police Station nga nagsakay og traysikad ang biktima kauban ang iya’ng higala paingon pauli diha’ng usa ka motorsiklo nga may sakay nga duha ka lalaki ang kalit lang nibabag.

Ang backrider ang nibunot og pistola dayon tion sa biktima.

Gibunlot sa lalaki ang shoulder bag sa biktima apan nagmagahi kini sa paghatag.

Sa kalagot sa tulisan gipusil niini ang biktima apan swerte nga wala nibuto ang pistola apan ang kauban nibunot og kutsilyo dayon dunggab sa biktima igo sa iya’ng bukton ug dali nga nisibat.

Matud sa biktima nga wala na usab nila nakita ang panagway sa mga biktima kay pulos kini nag-bonnet ug nag-helmet.

Sulod sa bag sa biktima ang P30, 000 nga kwarta ug mga ATM cards.  (BANAT NEWS)