Sitio Avocado paputlan sa tubig

CEBU, Philippines - Gihangyo sa University of the Philippines-Cebu (UP) ang Metropolitan Cebu Water District (MCWD) nga ipaputol ang linya sa tubig sa Sitio Avocado, Lahug.

Apan matud ni MCWD Board chairman Renato “Rene” Mercado nga dili nila basta-basta maputol ang linya sa tubig sa mga residente tungod lang sa kaso nga gipasaka sa UP batok sa kagamhanan sa dakbayan.

Ang luna nga nasunugan niadto’ng Disyembre giangkon nga ila sa UP hinungdan nga dili na unta pabalikan sa mga namuyo.

Ang UP nidangop sa korte aron ipahunong ang pagpatukod sa kabalayan balik sa luna.

Apan ang korte nibasura sa petisyon sa UP hinungdan nga nimando ang kagamhanan sa dakbayan sa mga nasunugan sa pagpabarug pagbalik sa ilang pinuy-anan.  (BANAT NEWS)