Rama giawhag pagsumiter og dugang budget
CEBU, Philippines - Giawhag ni Konsehal Margarita “Margot” Osmeña si Mayor Michael Rama ug ang mga sakop sa Local Finance Committee nga moduso og laing supplemental budget aron mogahin og pangbayad sa utang sa dakbayan ngadto sa Japan.
Ang dakbayan magbayad kaduha sa usa ka tuig, kada Pebrero 20 ug Agosto 20, sa utang niini pagmugna sa South Road Properties (SRP). Karong Pebrero 20 ang dakbayan kinahanglang mobayad og P188 milyones samtang susama usab niini nga kantidad sa Agosto 20.
Apan si Mayor Rama miingon nga ang mga konsehal nasayod na sa ilang pagahimoon kay aduna siya’y giduso nga Supplemental Budget No. 1 sa miaging tuig nga wala gayud aprobahi sa City Council.
Sa P2.8 milyones nga SB-1, ang P2.4 bilyones niini gitumong aron bayaran na sa hingpit ang tanang nahabiling utang sa siyudad didto sa Japan apan wala aprobahi sa konseho.
Ang rason sa mga konsehal, ilabi na ang mga alyado sa BOPK, mao ang kaso nga gipasaka ni Atty. Romulo Torres nga matud pa dili tukma ang paggasto sa halin sa SRP kay wala sunda ang lagda sa pagbaligya. (BANAT NEWS)
- Latest