Subsidy sa mga priso gilauman

CEBU, Philippines - Naglaum si Cebu City Jail Warden Johnson Calub nga ibalik sa kagamhanan sa Dakbayan sa Sugbo ang subsidy sa mga priso.

Matud ni Calub nga mahinangpon siya nga mahatagan sila og counterpart gikan sa kagamhanan sa dakbayan alang sa dul-an 2,717 ka priso sulod sa Cebu City Jail-male dormitory.

Malaumon sila nga ma-implementar ang laraw sa kagamhanan nga mohatag og ayuda tungod kay daku kaayo kini og tabang sa pagkaon sa mga priso.

Sumala pa ni Calub nga ang Bureau of Jail Management and Penology adunay ayuda nga gihatag sa city jail nga mokabat og P50 matag priso. Dugang ni Calub nga mapasalamaton sila kung aduna’y ihatag ang kagamhanan sa dakbayan tungod kay daku kini og tabang sa BJMP.

Si Calub nipadayag nga ang ubang local government units sama sa Mandaue, Talisay ug Lapu-Lapu ang adunay counterpart. (BANAT NEWS)