Edad sa tanod gilugwayan hangtud 65
CEBU, Philippines – Makapadayon sa pagserbisyo ang mga barangay tanod nga senior citizens na ug lakip sa makadawat sa cash incentives gikan sa Kapitolyo.
Si Gobernador Hilario Davide III ug Bise Gobernador Agnes Magpale nipahibawo kabahin sa paglugway sa age limit sa mga tanod.
Kini isip tubag sa hangyo sa mga tanod kabahin sa age limit diin imbis 60-anyos sila moretiro gilugwayan kini ngadto sa 65-anyos ug moepekto kini sa sunod tuig. Si Ricardo Elcallado, 60-anyos, tanod sa Barangay Manipis, Dakbayan sa Talisay nagkanayon nga niadto’ng Septiyembre lang siya naapil sa grupo sa senior citizens.
Matud niya nga nagserbisyo siya isip tanod niadto pa’ng 70’s diin wala sila’y nadawat nga incentives o honorarium apan padayon gihapon sila sa dedikasyon sa trabaho.
Sa Barangay Manipis ang matag tanod makadawat og P500 nga incentive matag buwan. – /GMR) (BANAT NEWS)
- Latest
