Bata gihilabtan sa 17-anyos nga uyoan

CEBU, Philippines – Gihilabtan sa menor de edad nga uyoan ang singko-anyos nga pag-umangkon sa ila’ng panimaye sa barangay Linao, dakbayan sa Talisay sa niagi’ng semana.

Ang biktima nga si Angel (dili tinuod nga pangan) mismo ang nitug-an sa iya’ng ginikanan nga siya giamung-amungan sa iya’ng uyoan.

Si PO1 Rosalyn Pansacala sa Women and Children Protection Desk sa Talisay City Police Station nibutyag sa Banat News nga ang suspek ig-agaw sa amahan sa bata nga ila’ng gipapuyo sa ila’ng panimaye.

Gihulagway sa inahan sa bata nga mapinanggaon ang suspek sa iya’ng mga pag-umangkon apan nakurat lang sila sa gisulti sa bata.

"Niingon gyud ang bata nga gisulod ang kinatawo sa iyaha sa iya’ng uyoan," asoy ni Pansacala sa Banat News.

Matud niya nga natulog ang biktima uban sa iya’ng ginikanan ug igsuon apan sa diha’ng nangihi ang inahan sa bata nagpakuyog kini sa iya’ng bana.

Sa ila’ng pagbalik hubo na sa iya’ng pajama ang bata ug gani naa pa’y gisi ang pajama. Sa ilang pagduda nga gihilabtan ang bata ila’ng gisimhot ang kinatawo niini ug didto sila nagtuo sa ila’ng pagduda human nanimaho’ng duga sa lalaki ang kinatawo sa bata.

Wala sila’y laing gipasanginlan kun dili ang 17-anyos nga uyoan tungod kay siya ang nakit-ang nisulod sa kwarto.

Gidakop ang suspek sa amahan sa bata ug gi-turnover ngadto ni PO2 Jude Enemecio ug PO1 Euwen Pitogo ug gibalhug sa bilanggoan.

Ang suspek nibutyag nga siya gipasanginlan lang sa asawa sa iya’ng ig-agaw tungod kay aduna siya’y nahibaw-an nga sekreto niini.

Si Pansacala ang nagkanayon nga gipasakaan na nila og kaso ang suspek. - /GMR) (BANAT NEWS)