Gullas, Salimbangon magpasubli sa Kongreso
CEBU, Philippines – Nakaduso na sa ila’ng certificate of candidacy sila si Kongresista Gerald Anthony “Samsam” Gullas Jr. sa una’ng distrito ubos sa Alayon- Nacionalista Party ug Kong. Benhur Salimbangon sa ikaupat nga distrito kinsa magpasubli sa ila’ng posisyon.
Kauban ni Gullas si kanhi bokal Raul Bacaltos kinsa mopapili sa pagkasakop sa hunta probinsiyal sa distrito.
Kauban usab ni Salimbangon nga niduso sa COC ubos sa National Unity Party si Bise Mayor Chad Keneth Escario-Cañares sa lungsod sa Bantayan pares ni Bokal Sun Shimura.
Si Farid Libre Baena niduso usab sa COC sa pagkasakop sa hunta probinsiyal sa ikatulo’ng distrito isip independente.
Samtang dili pa hingpit nga matawag nga official candidate ang mga nisang-at sa ila’ng COC matud sa Comelec.
Matud ni Atty. Lionel Marco Castillano, Comelec Provincial Supervisor, nga klaro sa ruling nga sa campaign period na magsugod ang pag-ila sa mga kandidato.
Ang campaign period magsugod 90 ka adlaw sa dili pa ang adlaw sa piniliay.
Gidapit ni Castillano ang mga kandidato ug publiko nga kung dunay kalibog sa mga balaud sa piniliay nga modangop lang sa iya’ng opisina aron malamdagan. - /GMR) (BANAT NEWS)
- Latest
