Sikyu nisampak sa mahogany patay

CEBU, Philippines – Patay ang security guard sa usa ka mall human nga mipilit kini sa punoan sa mahogany kay wala siya makaliko sa kurbadahon nga dalan sa barangay Tapon sa lungsod sa Dumanjug.

Ang namatay naila nga si Jhonlyer Casquejo, 23, taga Manalapay, Dumangjug, security guard sa usa ka mall sa maong lungsod.

Si Police Officer 2 Ronilo Quirante, desk officer sa Dumanjug Police Station miingon nga padulong unta balik sa iyang trabahoan ang biktima apan sa pag-abot niya sa kurbadahon nga dapit wala kini makaliko ug nalahos sa kahoy.

Daling gidala ang bitima sa Barili District Hospital apan gideklarar na kini nga dead on arrival.

Nagduda si Quirante nga nakatulog samtang nagmaneho sa iyang motor si Casquejo tungod kay bugnaw kaayo ang panahon niadtong tungora ug ang lugar nga nahitaboan “accident prone area” ug aduna nay mga warning signs sa kilid sa dalan sa dili pa maabot sa maong dapit. - /EIM) (BANAT NEWS)