Mga simbahana padayung giayo human sa linog
CEBU, Philippines – Nagpadayun pa gihapon ang pag-ayo sa mga simbahan nga nangaguba sa niagi’ng linog nga may gikusgon nga 7.2 magnitude ilabi na sa Sugbo ug Bohol duha na ka tuig ang nakalabay.
Kini ang gibutyag sa pangulo sa Cebu Archdiocesan Committee for Cultural Heritage of the Church, Fr. Brian Brigoli, nga nahinabi sa Banat News.
Matud ni Brigoli nga nagpadayun karon ang trabaho sa Cebu Metropolitan Cathedral sa ila’ng retrofitting, gisugdan na usab ang simbahan sa Basilica Minore del Sto. Niño ang pagtrabaho human naapektahan ang ila’ng kampanaryo.
Sumala pa ni Brigoli nga nagpadayun gihapon hangtud karon ang renovation, restoration ug retrofitting sa mga simbahan sa Pardo, Sibonga, Argao, Dumanjug, Bantayan ug uban pa nga apektado sa nilabay nga linog.
Dugang pa ni Brigoli nga ang pagtrabaho sa simbahan wala gayu’y kahumanan tungod kay magpadayun man kanunay ang maintenance niini aron kini magpabilin nga maayo. - /GMR) (BANAT NEWS)
- Latest
