17 ka tinun-an ang nalanag sa manok

MANILA, Philippines - Gisugdan na sa Mandaue City Health Office ang pakisusi sa Sanitary Inspection Team bahin sa giingong pagkalanag sa mga estudyante sa gikaon nilang manok sa usa ka fastfood chain sud sa ilang eskuylahan diha sa North Reclamation Area sa Mandaue City.

Sumala pa nga  niabot og 17 ka mga tawo ang nangalanag apan unom lang ang nalandig sa tambalanan sa dakbayan sa Sugbo.

Matud pa ni Boy Perez, sanitary inspector sa siyudad nga nahinabi sa Banat News mopahigayon pa sila og dugang imbestigasyon.

Apan sa pagsusi nila sa kan-anan sirado kini maong wala silay nakahinabi nga mga kawani o opisyal.

Gisulayan pagkuha   pagbalik sa Banat News og pamahayag ang kadagkuan sa maong kan-anan, apan ang HR Officer nga si Niño Aguilar, nipadayag nga wala pa siyay mga bag-ong impormasyon nga mahatag.

Kahinumduman nga usa ka Virginia Juñio, iyaan sa usa sa mga tinun-an ang nipahibalo nga iyang pag-umangkon apil sa nalanag ug nalandig sa tambalanan human nakakaon sa maong kan-anan. (BANAT NEWS)