Team Rama kompleto na
CEBU, Philippines - Hingpit na’ng gipresentar ni Mayor Michael Rama ang kinatibuk-ang sakop nga iya’ng makauban sa eleksiyon sunod tuig.
Ang Partido Panaghiusa sa Panerbisyo/ Team Rama-UNA gipangulohan ni Rama, bise mayor Edgardo Labella ug kanhi mayor Alvin Garcia sa pagka-kongresista sa North District.
Ang mga konsehal sa north distrito mao sila si Pastor "Jun" Alcover, Ramil Ayuman, Raymond Garcia, Joel Garganera, Jerry Guardo, Edwin Jagmoc, JP Labella ug Noel Wenceslao.
Samtang molangkub sa South District mao sila si Gerardo "Gerry" Carillo sa pagka-kongresista uban sa mga magpapili sa pagka-konsehal nga sila si Nendell Hanz Abella, James Cuenco, Joey Daluz, Lotlot Ignacio-Soon, Renato Osmeña, Jocelyn Pesquera, Eduardo Rama ug Dave Tumulak.
Gitudlo nga campaign manager sa South District si kanhi konsehal Joey Daluz samtang si Edu Rama usab sa North District.
Matud ni Mayor Rama nga gipili nila ang Fort San Pedro nga lugar nga presentahan sa iya’ng partido tungod kay usa kini ka historical nga lugar.
"Fort is a defense and Team Rama always gives a defense," matud ni Rama. Si kanhi mayor Garcia sa iya’ng bahin nipadayag nga daku ang iya’ng bintaha batok ni Kongresista Raul del Mar sanglit anaa siya sa dumadaug nga grupo. (BANAT NEWS)
- Latest
