CCTO: Kadalanan karong Domingo hapsay ra

CEBU, Philippines – Ipakatap karong Domingo ang 150 ka personnel sa Cebu City Transportation Office alang sa 39th Milo National Marathon.

Matud ni Atty. Rey Gealon, ang pangulo sa CCTO, nga ang mao’ng mga personnel ipakatap sa tanang rota ug mga eskina nga maagian sa lumba sa dagan aron sa paghatag og igo’ng seguridad diha sa kadalanan.

Sumala pa ni Gealon nga ang mao’ng buluhaton nila sa Milo National Marathon inubanan usab sa abag sa buhatan sa Engineering, Planning ug Communication Division sa ilang buhatan.

Gipaneguro ni Gealon nga hapsay ang dagan sa trapiko nga ila’ng ipatuman atol sa national nga lumba sa dagan ilabi na sa sayo’ng kabuntagon.  –/GMR) (BANAT NEWS)