Amahan namun-og sa anak gidakop

CEBU, Philippines – Gidakop sa mga polis ang usa ka amahan sa barangay Lanipga, lungsod sa Consolacion kinsa gireklamo sa pagkulata sa 15-anyos nga anak nga lalaki.

Si Police Officer 1 Socrates Borinaga sa Consolacion Police Station niila sa nadakpan nga si Lito Pepito, hingkod ang panuigon nga nagpuyo sa mao’ng dapit. Si Borinaga niingon nga nakabaton og grabe’ng bun-og sa kalawasan ang anak nga lalaki tungod sa pagpangulata nga gihimo sa suspek hinungdan sa pagreklamo sa ubang sakop sa pamilya ngadto sa kapolisan.

Dugang ni Borinaga nga ang biktima kasamtangan karong nagpaalim sa mga bun-og ug ang suspek temporaryo karon nga gibalhug sulod sa detention cell. – /GMR) (BANAT NEWS)