Duha ka lalaki nakuhaan og P120 mil nga shabu
CEBU, Philippines – Duha ka mga lalaki ang nadakpan sa gipahigayong buy-bust operation sa mga kapulisan sa Toledo sa sityo Tinahas, barangay Media Once siyudad sa Toledo.
Giila ang dinakpan nga sila si Johannes Pacquing, 31, ug Jun Dave Alferez ,22. Sila gidakop sa grupo ni Police Inspector Jovito Labra.
Nakuha gikan kanila ang P200 nga buy-bust money, tulo ka large pack nga gituohang shabu ug tulo ka gagmay nga putos niini nga mokabat og 15 ka gramos.
Giila nga level 3 drug pusher si Pacquing nga dugay nang gipanid-an sa kapulisan ug naapil kini sa ilang watchlist. Gibana-bana nga mokabat P120 mil ang balor sa maong ginadiling drugas.
Gitanggong na sa Toledo city detention cell ang mga dinakpan ug gikatakdang pasakaan og kaso. – /EIM) (BANAT NEWS)
- Latest
