Gikiha sa PROBE nangyo’g tabang

CEBU, Philippines - Nidangop kang Konsehal Alvin Dizon kadto’ng duha ka manindahay nga napriso. Matud ni Dizon nga nangayo og legal assistance ang duha labot sa gipasaka nga kaso sa Prevention, Restoration, Order, Beautification Enhancement (PROBE) Team.

Si Dizon niingon nga si Konsehal Sisinio Andales nga abogado andam unta motabang nilikay lang kay konsehal man siya sa dakbayan.

Ang magsuon nga sila si Analyn Tanguilan ug Remafe Tanguilan giingong gipangayoan og napulo ka adlaw sa pagduso sa counter affidavit apan tungod kay wala sila’y kwarta hinungdan nga niduol sila kang Dizon.

Nakagawas sila sa prisohan niadto’ng Huwebes human ang mga konsehal nitabang sa pagbayad sa P5,000 nga piyansa.

Gipahibawo sa duha ka manindahay nga dili sila mangayo og pasaylo sa PROBE ug dili usab sila kriminal.

Kaso’ng physical injury tungod sa pagpamaak sa usa ka manindahay sa sakop sa PROBE, damage to government property ug disobedience ang gipasaka batok sa duha.  (BANAT NEWS)