Davide nasubo may nibiya sa LP

CEBU, Philippines - Gikasubo ni Gobernador Hilario Davide III ang pagbiya sa tulo niya ka sakop sa Liberal Party sa dakbayan sa Talisay.

Apan matud ni Davide nga iya’ng girespetaran ang desisyon nila’ng  Bise Mayor Romeo Villarante, Konsehal Danny Caballero ug Konsehal Alvin Diaz.

Giangkon ni Davide nga may mahiubos gyud ug dili makasabot sa desisyon nga makab-ot sa partido.

Giingong nahiubos ang mga opisyal nunot sa pagsulod sa ila’ng kaatbang nga mga sakop sa Alayon Party nga gipangulohan ni Kongresista Gerald Anthony “Samsam” Gullas Jr. sa LP.

Ang pagsulod ni Gullas ug kaubanan gikataho nga mao’y nakapalibog sa mga sakop sa LP sa una’ng distrito.

Matud ni Davide nga dugay na nga nipadayag sa ila’ng suporta ang Alayon alang sa kadaugan ni Secretary Mar Roxas II sa pagka-presidente.

Sumala pa ni Davide nga dili isyu ang chairmanship sa LP sa distrito tungod kay prayoridad gyud nila ang pagpadaug ni Roxas sa Sugbo.  (BANAT NEWS)