PNoy motambong sa APEC meeting sa Sugbo

CEBU, Philippines – Moanhi sa Sugbo si Presidente Aquino karong Septiyembre 10 aron sa pagtambong sa tigum Asia-Pacific Economic Cooperation (APEC) Finance Ministers' Meeting.

Gikunpirmar kini ni Ethel Natera nga maoy public information officer sa Kapitolyo. Wala pa hinuon masayod ang opisina sa gobernador kun unsa ang ubang kalihukan sa presidente sa pag-anhi niya sa Sugbo.

Gituohan hinuon nga si Presidente Aquino makigtagbo sa mga lider sa Partido Liberal dinhi sa Sugbo aron sulbaron ang mga isyu, ilabi na ang pagtudlo og chairman diha sa first district.

Daghan sa mga lider sa Partido Liberal ang wala makagusto nga si Kongresista Gerald Anthony “Samsam” Gullas maoy itudlo nga chairman sa LP diha sa una’ng distrito sanglit dili siya orihinal nga sakop sa partido.

Ang batan-ong Gullas sakop sa partido nga Alayon nga gihulma sa iyang apohan nga si kanhi kongresista Eduardo Gullas. (BANAT NEWS)