ID sa APEC delegates ipasul-ob kung mosuroy

CEBU, Philippines – Gisugyot sa presidente sa Association of Barangay Councils sa siyudad sa Lapu-Lapu nga pasul-ubon ang mga delegado sa Asia-Pacific Economic Cooperation (APEC) Summit og ID kung mosuroy sa lain-laing lugar sa dakbayan.

Matud ni Konsehal Jose Dungog nga lisud mailhan ang mga langyaw nga delegado kung dili sila magsul-ob og ID.

"They should be wearing their ID since Lapu-Lapu City is a tourist city. It turns out nga dunay (mga delegates) naabot og Bohol. Simbako og kung ma-unsa sila didto," matud ni Dungog.

Si Dungog niingon nga ang mga tourism barangays nga posible’ng laagon sa mga delegado sa dakbayan mao ang Subabasbas, Marigondon, Agus, Maribago, Mactan ug Punta Engaño.

Dugang ni Dungog nga kung moadto og layo nga dapit ang mga delegado, wala’y makahatag kanila og seguridad kay wala’y makaila kanila. – /GMR) (BANAT NEWS)