Kable sa internet gikawat

CEBU, Philippines – Daghang internet subscribers didto sa dakbayan sa Toledo ang nasakripisyo diha nga wala hiilhi nga kawatan mikawat sa internet cable wires nga mokantidad og P20 mil.

Si Jose Antonio Sobredo, 37, taga Barangay Poblacion, Toledo ug inspector sa usa ka telecommunication company, nisumbong sa kapolisan bahin sa pagkahanaw sa ilang kable sa internet.

Matud ni Sobredo nga nagpahigayon sila og inspection sa ilang mga kable tungod sa reklamo sa ilang mga subscribers nga naputol ang ilang internet connection ug ilang nadiskubrehan nga kini gipangawat.

Gibanabana nga mga 50 metros ang gitas-on sa mga internet cable wires ang nakuha sa mga kawatan. – /RUB) (BANAT NEWS)