Kapitolyo nangayo’g P2B sa DILG

CEBU, Philippines – Nangayo og P2.1 bilyones nga budget ang kagamhanan sa lalawigan sa Sugbo sa Department of Interior and Local Government alang sa kaugmaran sa mga karsada sa kalungsuran.

Ang karsada nga ugmaron adunay gitas-on tanan nga 164.20 kilometros. Kini naglangkub sa Campo 7-Hayunan road sa Minglanilla, Balirong-Alpaco road sa dakbayan sa Naga, Sangat-Lantawan road sa San Fernando, Sangi-Guadalupe-Tulotulo vegetable highway sa dakbayan sa Carcar, ug Basak-Monpeller vegetable highway sa Sibonga sa una’ng distrito.

Sa ika-duha’ng distrito ang Monpeller-Balaas vegetable highway ug  Balaas-Manlapay vegetable highway sa Dalaguete, Guiwang-Cabalongan road ug Poblacion-Dalayday-San Antonio road sa lungsod sa Boljoon, Nueva-Caceres road ug Bunlan-Camalig-Cabuntongan road sa Santander.

Laing mga karsada mao ang Poblacion-Canang road sa Samboan, Poblacion-Paradahan road sa Ginatilan, Poblacion-Sorsogon road ug  Poblacion-Lepanto road sa Alegria, Poblacion-Bugho road sa Moalboal, Poblacion-Candabong-Manga road sa Alcantara, Salay-Malalay road sa Ronda, Poblacion-Cogon-Lawaan road sa Dumanjug.

Sa ika-tulo’ng distrito mao ang Lamak-Basak vegetable highway sa Barili, Zaragosa-Rosario road ug Duangan-Lamak road sa Pinamungajan, Poblacion-Lamesa road sa Balamban ug Lunas-Santa Lucia road sa Asturias.

Sa ika-upat nga distrito ang Maño-Cayam road sa San Remigio, Libertad-Dalingding road sa Daanbantayan ug Bogo-Libertad-Odlot road sa dakbayan sa Bogo.

Sa ika-lima’ng distrito ang Matinao-Bundo-Bili-Cajel road Borbon, Poblacion-Pansoy road sa Sogod, Catmon Daan-Bactas road Catmon, Poblacion-Cabadiangan road sa Compostela, Jubay-Cotcot-Cabadiangan road sa Liloan, ug Casili-Sacsac-Cabangahan road sa Consolacion nga sakop na sa ika-unom nga distrito. – /GMR) (BANAT NEWS)