Wala g’yud gitudlo nga LP chairman si Samsam
CEBU, Philippines - Si Gobernador Hilario Davide, III mitataw nga ang Liberal Party wala g’yud mo-appoint ni Kongresista Gerald Anthony “Samsam” Gullas, Jr. isip tsirman sa LP sa una’ng distrito sa Sugbo.
Matud ni Davide nga nabasahan lang niya sa pamantalaan ang balita nga si Gullas na ang gitudlo nga tsirman sa LP sa una’ng distrito.
“There was no such statement either from me or from Secretary Mar Roxas. I don’t know where they got that. I don’t recall that secretary Roxas telling that to media, so he is just misinformed” ni Davide.
Matud ni Davide nga wala’y rason nga mo-back out si Gullas kay dili man siya sakop sa LP. Apan si Samsam miinsister nga giingnan g’yud siya sa gobernador nga si DILG Secretary Mar Roxas nga maoy pangulo sa LP gusto nga siya ang himoon nga tsirman sa LP sa unang distrito. Sa press conference kagahapon sa buntag didto sa opisina ni Naga City Mayor Valdemar Chiong, si Kongresista Gullas nagkanayon nga nakadungog ug nakahibawo siya sa mga gihisgutan atol sa miting uban ni Davide.
Si Samsam miingon nga ang miting gitambongan sa mga alyado sa Alayon Party, lakip na sa founder sa partido nga si kanhi kongresista Eduardo Gullas, mga mayor sa distrito nga sakop sa Alayon, Bokal Peter John Calderon, Mayor Moonyen Durano sa Sogod ug Mayor Wilson Wenceslao sa Santander. Matud ni Samsam “the governor told me in Marco Polo that Secretary Mar wants you to be the official candidate and he confirm it.”
Nasagmuyo kaayo si Samsam nga wala na kini angkona sa gobernador.
Apan bisan pa niini gipasalig ni Samsam nga dili mausab ang iyang pagsuporta kang Davide, Bise Gobernador Agnes Magpale ug labaw na kang Roxas.
“I highly respect the governor. We don’t want to turn it into a word war. Nothing change and our support has no condition,” matud sa batan-ong Gullas. Ang apohan ni Samsam nga si kanhi kongresista Eddie Gullas naguol nga ang iyang apo mao na hinuon ang migawas nga namakak. (BANAT NEWS)
- Latest
