Nagpatuo’ng polis gidakop

CEBU, Philippines – Gidakop ang usa ka nagpatuo’ng opisyal sa kapolisan pinaagi sa pagpakita og PNP ID, badge, insignia ug belt human gireklamo sa buot unta’ng biktimahon sa pagpapalit og mga cellphone pinaagi sa wholesale.

Alas 5 pasado sa hapon niadto’ng Lunes gidakop sa dalan B. Ceniza, Mantuyong, dakbayan sa Mandaue si Mohammad Amar Mula, 30, lumad nga taga Santa Catalina, Zamboanga City.

Matud ni Police Officer 2 Jesson Flores sa Presinto 1 sa Mandaue City Police Office nga ang dinakpan nagpatuo nga Senior Inspector sa kapolisan ug mobaligya og mga cellphones ug gadgets.

Nagduda ang biktima sa gitanyag sa suspek hinungdan nga nidangop sa iya’ng igsuon nga una na nga nabiktima sa susama’ng modus operandi.

Namay-ongan sa igsuon sa biktima ang suspek nga mao’y una’ng nibiktima kaniya sa niagi’ng buwan hinungdan nga dali’ng nagpahibawo sa kapolisan ug gidakop. – /GMR) (BANAT NEWS)